Antigreg (tableta) Reviewed by Momizat on . Antigreg (tableta) PËRBËRJA Një tabletë e veshur përmban: Lëndë vepruese: tiklopidinë klorhidrat 0.250 g Lëndë të tjera (eksipientë): niseshte misri, celulozë m Antigreg (tableta) PËRBËRJA Një tabletë e veshur përmban: Lëndë vepruese: tiklopidinë klorhidrat 0.250 g Lëndë të tjera (eksipientë): niseshte misri, celulozë m Rating: 0
You Are Here: Home » A » Antigreg (tableta)

Antigreg (tableta)

Antigreg (tableta)
antigerg
PËRBËRJA
Një tabletë e veshur përmban:
Lëndë vepruese: tiklopidinë klorhidrat 0.250 g
Lëndë të tjera (eksipientë): niseshte misri, celulozë mikrokristaline, hidroksipropilcelulozë, stearat magnezi, dioksid titani, polietilenglikol 6000

FORMA FARMACEUTIKE DHE PARAQITJA E BARIT
Kuti me 30 tableta të veshura me film.

VEPRIMI
Pengon agregimin e trombociteve dhe formimin e trombeve (mpiksjen e gjakut brenda vazave).

INDIKIMET TERAPEUTIKE
Antigreg indikohet për parandalimin dytësor (profilaksinë sekondare) të ngjarjeve që shoqërohen me zënien e enëve të gjakut dhe për pasojë me qarkullim të pamjaftueshëm të gjakut në nivelin e enëve të gjakut, trurit dhe zemrës, në të sëmurë të rrezikuar nga mundësia e formimit të trombeve (mpiksjeve) që mund të shkaktojnë mbylljen e plotë të enëve të gjakut (arteriopati obliterante periferike, infarkt miokardi të kaluar, atake ishemike tranzitore rekurrente në të shkuarën, iktus cerebral ishemik, anginë të paqëndrueshme).
Në të sëmurët me infarkt miokardi të kaluar dhe me atake ishemike tranzitore rekurrente, përdorimi i Antigreg duhet të rezervohet për rastet që nuk tolerojnë dot acidin acetilsalicilik (aspirinën) ose për rastet kur kjo e fundit nuk është treguar efikase.
Antigreg gjithashtu indikohet:

  • në parandalimin e rimbylljes së by-passeve aortë-koronare,
  • gjatë qarkullimin ekstrakorporeal (jashtë trupit),
  • gjatë hemodializës dhe në trombozën e venave qëndrore (centrale) të retinës.

KUNDËRINDIKIMET
Mbindjeshmëri e njohur ndaj tiklopidinës.
Tiklopidina është e kundërindikuar në pacientë të cilët vuajnë ose kanë vuajtur nga leukopenia (pakësim i numrit të rruazave të bardha të gjakut), trombocitopenia (pakësim i numrit të trombociteve) apo nga shfaqje të mungesës së rruazave të bardha, të cilat mund të paraqiten me kuadrin simptomatologjik karakteristik të pakësimit të leukociteve dhe me lezione të mukozës së gojës dhe mukozave të tjera (agranulocitozë).
Në pacientët e prirur për gjakrrjedhje (hemorragji) ose me sëmundje të gjakut që shkaktojnë zgjatje të kohës së hemorragjisë.
Lezione organike, të prirura për gjakderdhje (ulçera të traktit gastrointestinal, varice të ezofagut, etj).
Aksidente vaskularë cerebralë me natyrë hemorragjike në fazën akute.
Sëmundje të rënda të mëlçisë.
Në disa raste, gjatë trajtimit me tiklopidinë, janë raportuar leukopeni dhe trombocitopeni, ndonjëherë të parikthyeshme, prandaj bari duhet të përdoret vetëm kur është i domosdoshëm (i pazëvendësueshëm).
Përdorimi i tiklopidinës për parandalim parësor në persona klinikisht të shëndetshëm është kategorikisht i ndaluar.

PËRKUJDESJET GJATË PËRDORIMIT
Përpara fillmit të trajtimit dhe çdo 15 ditë gjatë tre muajve të parë të mjekimit është e nevojshme që të kryhen kontrollet e gjakut, duke treguar kujdes të veçantë për numrin e rruazave të bardha (leukociteve) dhe trombociteve.
Trajtimi duhet të ndërpritet të paktën një javë përpara ndërhyrjeve kirurgjikale (përveç rasteve kur veprimi antitrombotik është i nevojshëm) për shkak të gjakderdhjeve që mund të nxisë ky bar.
Pas ndërprejes së trajtimit, përpara kryerjes së ndërhyrjes kirurgjikale, këshillohet që të vlerësohet në se veprimi i barit në kohën e ndalimit të hemorragjisë është zhdukur.
Në rastet e heqjes së dhëmbëve duhet të njoftoni mjekun stomatolog për trajtimin që jeni duke përdorur.

NDËRVEPRIMET
Këshillohet që të shmanget shoqërimi i barnave antiinflamatorë josteroidë (p.sh aspirina) me barna antikoagulantë (heparinë, antivitaminikë K) dhe barna të tjerë antiagregues trombocitarë.
Gjithashtu, duhet të shmanget shoqërimi me barna të tjerë me veprim të mundshëm toksik mbi palcën e kockave.

PARALAJMËRIME
Nuk këshillohet përdorimi i këtij bari gjatë shtatzënisë dhe në periudhën e ushqyerjes me gji.
Sa herë që gjatë trajtimit ju shfaqet faringit, ulçerime të mukozës së gojës, dhimbje fyti, ethe, gjakderdhje ose hematoma, përdorimi i mëtejshëm i barit duhet të ndërpritet menjëherë dhe duhet të njoftohet mjeku.
Rifillimi i mjekimit mund të bëhet vetëm pas kontrollit urgjent të analizave të gjakut dhe vlerësimit klinik të gjendjes.
Pacientët me sëmundje celiake mund ta përdorin pa rrezik këtë bar.
Ruajini barnat në vende të paarritshme nga fëmijët.

MËNYRA E PËRDORIMIT
Për një trajtim afatgjatë këshillohet të merren 1–2 tableta në ditë, gjatë ushqimit.

EFEKTET E PADËSHIRUARA
Gjatë trajtimit me tiklopidinë janë vërejtur:

  • Shfaqje hemorragjike;
  • Ndryshime të numrit të qelizave të gjakut: pakësim i numrit të leukociteve (rruazave të bardha) dhe trombociteve, agranulocitozë, frenim i funksionit të palcës kockore (veçanërisht të rënda në pacientët e moshuar);
  • Çrregullime gastrointestinale (të përziera, dhimbje stomaku, diarre);
  • Çrregullime të disa treguesve të funksionit të mëlçisë (transaminazave dhe bilirubinës); për këtë arsye këshillohet që gjatë trajtimit të kontrollohet periodikisht funksioni i mëlçisë;
  • Shpërthime në lëkurë, me natyrë alergjike, që kalojnë pas ndërprerjes së trajtimit;
  • Marrje mendsh;
  • Njolla me ngjyrë të kuqe të errët në lëkurë për shkak të shtimit të shkatërrimit te trombociteve.

KUJDES
Mos e përdorni barin pas kalimit të datës së skadencës të shënuar në kuti.

 

 

Tags: , , , , , , , , , , , , , , ,

Leave a Comment

© 2013. Te gjitha te drejtat e rezervuara.

Scroll to top