ATROPINË PROFARMA (injeksion) Reviewed by Momizat on . ATROPINË  PROFARMA lnjeksion Antikolinergjik; antispazmodik. Përbërja: 1 ampulë 1 mL përmban 1 mg atropinë sulfat (tretësirë për injeksion 0.1%) . Veprimet Atro ATROPINË  PROFARMA lnjeksion Antikolinergjik; antispazmodik. Përbërja: 1 ampulë 1 mL përmban 1 mg atropinë sulfat (tretësirë për injeksion 0.1%) . Veprimet Atro Rating: 0
You Are Here: Home » A » ATROPINË PROFARMA (injeksion)

ATROPINË PROFARMA (injeksion)

ATROPINË  PROFARMA

atropine

lnjeksion

  • Antikolinergjik;
  • antispazmodik.

Përbërja: 1 ampulë 1 mL përmban 1 mg atropinë sulfat (tretësirë për injeksion 0.1%) .

Veprimet
Atropina frenon veprimin e acetilkolinës ose të nxitësve të tjerë kolinergjikë në receptorët kolinergjikë pasganglionikë, përfshirë muskulaturën e lëmuar, gjëndrat sekretore dhe sistemin nervor qendror.

Farmakokinetika
Atropina përthithet shpejt; ajo e kalon barrierën hematoencefalike dhe ndikon në sistemin nervor qendror.
Ajo ka një gjysmëjetë biologjike rreth 2.5 orë; 94% e dozës së marrë jashtëqitet brenda 24 orësh përmes urinës.

Indikimet

  • Mjekimi i spazmave të aparatit tretës;
  • kolika të fshikës së tëmthit e kolika renale (kombinuar edhe me ndonjë analgjezik të përshtatshëm);
  • kolecistopati funksionale;
  • mjekim simptomatik i paralysis agitans dhe i parkinsonizimit pasencefalik;
  • bradikardi sinusale;
  • hiperhidrozë;
  • si paramjekim para anestezisë;
  • për uljen e sekrecionit të pështymës;
  • në helmimet me lëndë fosforoorganike.

Kundërindikimet

  • Mbindjeshmëri ndaj antikolinergjikëve;
  • glaukomë me kënd të ngushtë;
  • myasthenia gravis;
  • astmë bronkiale.

Përkujdesjet
Atropina duhet përdorur me kujdes në të moshuarit, në të sëmurët me mbajtje të urinës, në hipertrofinë e prostatës, insufiçiencë kardiake, lieus paralitik, kolit ulçeroz dhe stenozë të pilorit.
Atropina mund ta përkeqësojë refluksin gastroezofageal.
Kujdes i veçantë duhet treguar në periudhën e shtatzënisë dhe të ushqyerjes së fëmijëve me gji.
Atropina mund t’i dëmtojë aftësitë e sëmurit për të drejtuar automobilin ose për të punuar me makineri.

Efektet padëshirueshme

  • Tharje e gojës, me vështirësi në gëlltitje dhe etje;
  • zgjerim i pupilave, me çrregullim të akomodimit dhe ndjeshmëri ndaj dritës,
  • rritje e presionit intraokular,
  • skuqje e fytyrës dhe e qafës,
  • tharje e lëkurës,
  • bradikardi, që pasohet me takikardi, palpitacione dhe aritmi;
  • vështirësi në urinim dhe konstipacion.

Janë konstatuar edhe ethe, gjendje konfuzionale, ekzantema, dhembje koke, nervozizëm, përgjumje ose pagjumësi, reaksione alergjike, dridhje, të përziera, të vjella, dizfagi, bronkospazma, frenim i laktacionit, lieus paralitik.

Ndërveprimet
Kombinimi i atropinës me haloperidolin mund t’i ulë përendrimet e këtij të fundit në serum dhe t’i përkeqësojë simptomat skizofrenike, kurse kombinimi me fenotiazinat mund t’i ulë efektet antipsikotike dhe t’i rrisë efektet antikolinergjike.
Përdorimi në të njëjtën kohë i atropinës me antikolinergjikët e tjerë mund të shkaktojë shfaqjen e efekteve antikolinergjike aditive.

Dozimi

Me injektim nën lëkurë ose në muskul:

të rriturit: 0,5-1 mg, 1 deri 2 herë në ditë.

Fëmijët deri në 1 vjeç: 0,2 mg;

1-6 ,vjeç: 0,2-0,5 mg;

6-15 vjeç: 0,3-0,5 mg, 1-2 herë në ditë.

Atropina mund të injektohet edhe në venë, ku dozat janë 2-4 herë më të vogla në krahasim me ato që injektohen nën lëkurë ose në muskul.
Doza maksimale e njëherëshme nën lëkurë është 1 mg, ndërsa ajo ditore është 2 mg.
Në helmimet me lëndë fosforoorganike mund të shpëtohet jeta e të helmuarit po të ndërhyhet në kohën e duhur dhe me doza të mjaftueshme.
Zakonisht injektohen menjëherë nën lëkurë ose në muskul 2-3 mg, kurse pas 2 minutash injektohen edhe 2 mg të tjerë.
Me këto doza pakësohet djersitja e theksuar dhe shfaqen shenjat e mbidozimit të atropinës, si: midriza, tharja e gojës etj.

Ruajtja
Ampulat e atropinës ruhen në temperaturën e mjedisit, në vende të thata e pa dritë dhe të veçanta (atropina është helm i fortë).
Bari duhet mbajtur larg fëmijëve.

Ambalazhi
Kuti kartoni me 10 ampula.

Tags: , , , , , , , , , , , , , , , , , , , ,

Leave a Comment

© 2013. Te gjitha te drejtat e rezervuara.

Scroll to top