Azatril (kapsula) Reviewed by Momizat on . Azatril (kapsula) PËRBËRJA Një kapsulë përmban: Lëndë aktive Azitromicin dihidrate, e barazvlefshme me Azitromicin bazë 250mg. Lëndë ndihmëse: laktozë anhidrike Azatril (kapsula) PËRBËRJA Një kapsulë përmban: Lëndë aktive Azitromicin dihidrate, e barazvlefshme me Azitromicin bazë 250mg. Lëndë ndihmëse: laktozë anhidrike Rating: 0
You Are Here: Home » A » Azatril (kapsula)

Azatril (kapsula)

Azatril (kapsula)
azatril
PËRBËRJA
Një kapsulë përmban:
Lëndë aktive Azitromicin dihidrate, e barazvlefshme me Azitromicin bazë 250mg.
Lëndë ndihmëse: laktozë anhidrike, niseshte gruri, stearat magnezi, laurilsulfat natriumi, E 122, E 171, xhelatinë.

FORMA  FARMACEUTIKE  DHE PAKETIMI
Kapsula 250mg, me 6 kapsula në blister  PVC/alumini, nga 1 blister në paketim.
Kapsula 250 mg, me 8 kapsula në blister PVC/alumini, nga 1 blister në paketim.

VEPRIMI
Azatril është bar antibakterial i cili i përket grupit të makrolideve.
Ai pengon formimin e proteinave në murin qelizor dhe shkatërron  bakteret, të cilët janë shkaktarë të  infeksioneve.

INDIKIMET
Azatril indikohet për mjekimin e infeksioneve, të shkaktuara nga  mikroorganizma të ndjeshëm ndaj këtij antibiotiku si:
• infeksione të rrugëve të sipërme (inflamacione akute të sinuseve dhe veshit të mesëm, tonsilit/faringit)  dhe të poshtme (bronkite, riakutizim i bronkitit kronik, disa lloje  të  pneumonive) të traktit respirator;
• infeksione të lëkurës dhe të indeve të buta (erisipelë, impetigo dhe piodermi sekondare, stad  i parë  i sëmundjes Lyme);
• infeksione seksualisht të transmetueshme  – uretrit dhe cervicit, të shkaktuara nga Chlamydia trachomatis dhe gonokokët.
• Sëmundje ulçeroze dhe inflamacione kronike të mukozës gastrike dhe duodenale, për çrrënjosjen dhe shkatërrimin e Helicobacter pylori.

INFORMACIONI I NEVOJSHËM PËRPARA PËRDORIMIT TË BARIT
KUNDËRINDIKIMET
Në hipersensitivitet (alergji) ndaj azitromicinës ose antibiotikëve të tjerë makrolid duke përfshirë edhe lëndët ndihmëse në formën farmaceutike.
Azatril duhet të përdoret me kujdes në pacientët që vuajnë nga sëmundje të mëlçisë ose veshkave.
Nuk ka kufizime në përdorimin e barit në pacientët e moshuar.

PËRKUJDESJET NË PËRDORIMIN
Azatril duhet të përdoret me kujdes në pacientët që vuajnë nga sëmundje të mëlçisë ose veshkave.
Nuk ka kufizime në përdorimin e barit në pacientët e moshuar.
Në rast se shfaqen të kruajtura, skuqje dhe ekzantema në lëkurë dhe vështirësi në frymëmarrje është e nevojshme të ndërpritet  marrja e barit dhe t’i drejtoheni për këshillë mjekut tuaj, sepse këto mund të jenë shfaqje të mbindjeshmërisë (alergjisë).
Në raste të tilla, nëse është e nevojshme vetëm mjeku juaj do t’ju rekomandojë vazhdimin e mjekimit.
Azatril ashtu si barnat e tjera antibakteriale mund të çojë në  shfaqjen e të ashtuquajturit kolit pseudomembranoz, i cili  shfaqet me diarre të rëndë dhe kërkon mjekim të posaçëm, si perfuzion me elektrolite e solucione të tjera dhe aplikimin e barnave antibakteriale.

NDËRVEPRIMI ME BARNAT DHE NDËRVEPRIME TË TJERA
Ju lutem, informoni mjekun ose farmacistin tuaj nëse po merrni ose keni përdorur ndonjë bar tjetër, përfshirë dhe barnat që merren pa përshkrimin e mjekut.
Përdorimi i njëkohshëm me preparate që përmbajnë magnez dhe alumin, që ndikojnë mbi aciditetin e stomakut, pakëson përthithjen e barit në zorrë.
Prandaj duhet që  marrja e tij të bëhet 2 orë para ose pas marrjes së tyre.
Azatril®nuk duhet të merret njëkohësisht me barna të grupit të ergo-alkoloidëve.
Kombinimi i Azatrilit® me bromokriptinë dhe ciklosporinë mund të çojë në rritjen e përqëndrimeve  të tyre në gjak dhe në efekte të padëshirua që lidhen me to.

PARALAJMËRIME  TË  POSAÇME
Azatril duhet të përdoret me kujdes në pacientët që vuajnë nga sëmundje të mëlçisë ose veshkave.
Nuk ka kufizime në përdorimin e barit në pacientët e moshuar.

PËRDORMI  GJATË  SHTATZANISË  DHE  USHQYERJES ME GJI
Këshillohuni me mjekun ose farmacistin tuaj para marrjes së çdo bari!
Azatril përdoret gjatë shtatzanisë vetëm në rast të domosdoshmërisë absolute, pasi nuk ka të dhëna klinike  për sigurinë e përdorimit të tij, pa dhënë dëmtime tek  fetusi dhe i porsalinduri.
Është e nevojshme të ndërpritet ushqyerja me gji, gjatë periudhës së trajtimit me këtë bar  sepse mund të shkaktojë efekte të padëshirueshme serioze tek fëmija që ushqehet me gji.

NDIKIMI MBI AFTËSINË PËR TË DREJTUAR AUTOMJETE DHE  PËRDORUR MAKINERI
Mund të përdoret pa kufizime, pasi nuk ndikon në aftësitë për të drejtua automjete dhe përdorur makineri të ndryshme.

TË DHËNA  PËR  DISA  NGA  LËNDËT  NDIHMËSE
Në përbërjen e barit si lëndë ndihmëse është niseshteja e grurit, që në personat me enteropati glutenike mund të çojë në diarre dhe përkeqësim të sëmundjes.

INFORMACION  PËR PËRDORIMIN E DREJTË
DOZIMI DHE MËNYRA E APLIKIMIT 
Doza ditore, skema e mjekimit dhe kohëzgjatja e tij përcaktohen nga mjeku juaj.
Të rriturit
• Infeksione të rrugëve të sipërme dhe të poshtme të frymëmarrjes dhe infeksione të lëkurës dhe indeve të buta (me përjashtim të eritema migrans në sëmundjen Lyme) – 2 kapsula një herë në ditë, duke vazhduar 3 ditë me radhë;
• Pneumoni – 2 kapsula një herë në ditë, për 3 ditë me radhë ose 2 kapsula një herë në ditën e parë të mjekimit dhe nga 1 kapsulë në ditë  nga dita e dytë deri në ditën e pestë;
• Eritema migrans në sëmundjen Lyme – 4 kapsula njëherësh në ditë në ditën e parë të mjekimit; nga dita e dytë deri në ditën e pestë, merren  2 kapsula një herë në ditë;
• Infeksione seksualisht të transmetueshme -  4 kapsula njëherësh në uretritet dhe cervicitet jo-gonokoksike; 8 kapsula njëherësh në uretritet dhe cervicitet të shkaktuara nga gonokoku;
• Sëmundje ulçeroze dhe gastro-duodenit kronik, me qëllim  çrrënjosjen e Helicobacter pylori – 4 kapsula njëherësh në ditë për 3 ditë  radhazi, shoqëruar me amoksicilinë ose metronidazol për 7 ditë radhazi, dhe omeprazol ose preparate të tjera të ngjashme, duke vazhduar për 7 ditë sipas  dozës së përshkruar nga mjeku.
Doza ditore Azatril® jepet  si dozë orale e  vetme 1 orë para ngrënies ose 2 orë pas ngrënies.
Fëmijët
Në moshën fëminore doza e përshtatshme është 10 mg/kg të peshës trupore në ditën e parë njëherësh dhe pasuar nga 5 mg/kg peshë trupore prej ditës 2-të deri 5-të në vijim.
Rekomandohet përdorimi i Azatril® suspension për përdorim nga goja.
Nëse vëreni se efekti i Azatril®  është më i fortë ose më i dobët nga efekti i pritshëm, duhet të konsultoheni me mjekun ose farmacistin tuaj!
Në rast se nuk keni marrë një dozë (në kohën e caktuar për marrjen e barit) duhet ta merrni menjëherë sapo të kujtoheni.

MBIDOZIMI
Nëse merrni dozë më tepër nga doza e përshkruar nga mjeku, ju duhet menjëherë të kërkoni ndihmë mjeksore!
Mbidozimi ndodh në rastet e marrjes së dozave më tepër se doza e përshkruar nga mjeku.
Deri tani, nuk ka të dhëna për raste të mbidozimit me Azatril®, megjithatë,  nëse për ndonjë arsye keni marrë më tepër dozë se ajo e përshkruar për ju, është e nevojshme të këshilloheni me mjekun.
Në mbidozimin me antibiotikë të ngjashëm, shfaqen: të përziera, të vjella, diarre, çrregullime të dëgjimit.
Në raste të simptomave të mbidozimit, kontaktoni mjekun menjëherë!

EFEKTE  ANËSORE TË MUNDSHME
Si të gjitha barnat, Azatril® mund të japë efekte anësore të padëshirueshme.
Përdorimi  e Azatrilit zakonisht tolerohet mirë.
Në disa raste, mund të shfaqen çrregullime gastrointestinale: të përziera, të vjella, dhimbje abdominale, diarre; reaksione alergjike: skuqje në lëkure, të kruajtura.
Në raste më të rralla  mund të vihen re: fryrje të barkut dhe gazra, keqtretje, verdhëz, palpitacione, dhimbje në gjoks, dhimbje koke, marrje mendsh, lodhje e lehtë, rritje të enzimave të mëlçisë dhe ndryshime kalimtare në formulën e gjakut.
Gjatë  mjekimit me Azatril® në raste të rralla  mund të vihen re  reaksione serioze alergjike.
Në disa raste ato mund të shfaqen edhe  pas ndërprerjes së përdorimit të barit, që i detyrohet jetës së tij të gjatë në organizëm.
Nëse vëreni efekte anësore të tjera , jo të listuara në këtë fletëudhëzues, ju lutem kontaktoni mjekun ose farmacistin tuaj.

Kushtet e ruajtjes
Të mos mbahet në  temperaturë nën 25 Gradë Celcius.
Të mbahet në vend të sigurtë, larg fëmijëve!

Afati i skadimit
3(tre) vjet nga data e prodhimit.
Bari nuk duhet të përdoret pas  datës së skadencës  të shënuar në paketim.

Tags: , , , , , , , , , , , , , , , ,

Leave a Comment

© 2013. Te gjitha te drejtat e rezervuara.

Scroll to top