Glibedal 5mg (tableta) Reviewed by Momizat on . Glibedal 5mg (tableta) Lexoni me kujdes këtë fletëudhëzim para se të përdorni këtë bar. Ruajeni fletëudhëzimin. Ndoshta do t’ju duhet ta lexoni përsëri. Nëse ke Glibedal 5mg (tableta) Lexoni me kujdes këtë fletëudhëzim para se të përdorni këtë bar. Ruajeni fletëudhëzimin. Ndoshta do t’ju duhet ta lexoni përsëri. Nëse ke Rating: 0
You Are Here: Home » G » Glibedal 5mg (tableta)

Glibedal 5mg (tableta)

Glibedal 5mg (tableta)

Glibedal 5mg

Lexoni me kujdes këtë fletëudhëzim para se të përdorni këtë bar.

  • Ruajeni fletëudhëzimin. Ndoshta do t’ju duhet ta lexoni përsëri.
  • Nëse keni pyetje të tjera, ju lutemi drejtohuni tek mjeku ose farmacisti.
  • Ky bar është përshkuar për ju personalisht prandaj nuk duhet t’ua jepni të tjerëve.
  • Ai mund të jetë i dëmshëm për ta edhe nëse simptomet e tyre janë të njëjta me tuajat.

Përmbajtja e fletëudhëzimit:
1. Çfarë është Glibedal-i dhe për çfarë përdoret
2. Çfarë duhet të dini para se të përdorni Glibedal
3. Si përdoret  Glibedal -i
4. Efektet anësore të mundshme
5. Ruajtja dhe afati i përdorimit

Substanca aktive është glibenklamidi.

Substancat ndihmëse janë : monohidrati i laktozës; celuloza mikrokristalore; silika koloidale anhidroze; talku; stearati i magneziumit.

1. ÇFARË ËSHTË GLIBEDAL-i  DHE PËR ÇFARË PËRDORET?

Përmbajtja:
Një tabletë Glibedal përmban 5 mg glibenklamid.

Forma farmaceutike
Tabletat Glibedal janë me ngjyrë të bardhë, të gjata, të rrafshta me vijën e ndarjes në të dy anët.

Paketimi
Paketimi përmban 3 blister me nga 10 tableta me 5 mg (30 tableta).

Si vepron Glibedal-i?
Substanca aktive e Glibedalit është glibenklamidi.
Glibenklamidi i përket grupit të barnave të quajtura hipoglikemik oral të cilat përdoren për kontrollimin e nivelit të sheqerit në gjak e disa tipa të diabetit.
Këto tableta e zbresin nivelin e sheqerit në gjakun tuaj nëse ai është i lartë.

Kur përdoret Glibedal-i?
Glibedal-i përdoret për trajtimin e diabetit tip II i pavarur nga insulina i cili nuk reagon në masat dietetike.

2. ÇFARË DUHET TË DINI PARA SE TË PËRDORNI GLIBEDAL?
Informoni mjekun nëse vuani nga ndonjë sëmundje kronike, çrregullim metabolik, nëse e dini që jeni alergjik ose nëse jeni duke marrë barna të tjera.

Kur nuk duhet të përdorni Glibedal?
• Nëse jeni alergjik (hipersensitiv) në glibenklamid ose në cilindo përbërës tjetër të Glibenklamid-it.
• Nëse ju keni ketoacidozë diabetike (frymëmarrje e pazakonshme, erë e keqe e frymëmarrjes) ose shfaqja e konfuzionit, alivanosje ose koma si rezultat sëmundjes tuaj;
• Nëse keni diabet të varur nga insulina (Diabetes Mellitus i tipit 1);
• Nëse keni probleme të rënda me veshka, me mëlçi ose me gjëndrrën suprarenale;
• Nëse jeni në stres të veçantë p.sh. nëse keni nevojë për ndonjë trajtim kirurgjikal;
• Nëse keni intolerancë në preparatet e sulfoniluresë ose në sulfonamide;
• Nëse jeni shtatzënë;
• Nëse jeni gjidhënëse;
• Nëse jeni duke marrur bosentan (bar për trajtimin e tensionit të lartë të gjakut në enët e gjakut në mushkëri).

Glibedal-i nuk duhet të përdoret te fëmijët.

Përkujdesje të veçanta me Glibedal
- Nëse keni pamjaftueshmëri të gjëndrrës së hipofizës ose të asaj suprarenale;
- Nëse keni probleme me veshka ose me mëlçi, mund të jetë e nevojshme që të përshtatet doza;
- Nëse jeni i moshuar dhe i rraskapitur;
- Nëse keni mungesë të enzimit glukozë-6-fosfat dehidrogjenazës.
Trajtimi me substanca të sulfoniluresë, ky hynë edhe Glibedali mund të shkaktojnë anemi hemolitike.
Në këtë rast duhet të merren në konsiderim ndonjë preparat i cili nuk përmban preparat të sulfoniluresë.
Ju duhet të konsultoheni me mjekun tuaj nëse duhet ti nënshtroheni ndonjë operacioni, ose nëse keni aksident të rëndë, ose infeksion të rëndë, të cilat mund të ndikojnë në diabet.
Gjatë trajtimit me Glibedal ju duhet ta kontrolloni rregullisht nivelin e sheqerit në gjak dhe në urinë.

Përdorimi i Glibedal-it me ushqime dhe pije
Tabletat e Glibedal-it duhet të merren gjatë ushqimit të mëngjesit ose gjatë ushqimit të parë kryesor të ditës.
Tableta të merret me një gotë ujë.
Është e rëndësishme që të merret ushqimi pas marrjes së tabletës.
Alkooli nuk duhet të merret derisa jeni në terapi me Glibedal sepse ai mund të ndikojë në nivelin e sheqerit në gjak.

Shtatzënia dhe ushqyerja me gji
Këshillohuni me mjekun tuaj ose farmacistin para se të filloni të merrni çfarëdo lloj bari.
Glibedali nuk duhet të merret nga ana e grave shtatzëna ose nga ato gjidhënëse.
Gjatë shtatzënisë pacientet duhet të kalojnë në marrjen e preparateve të insulinës.
Pacientet që planifikojnë shtatzëni duhet ta informojnë mjekun e tyre.
Rekomandohet që këto paciente të kalojnë në terapi me insulina.

Efekti mbi aftësinë për të drejtuar automjete dhe për të përdorur makineri
Epizodat e rënies së nivelit të sheqerit ose të ngritjes së sheqerit, sidomos në fillim të trajtimit ose me rastin e ndërrimit të trajtimit, ose në rast se glibenklamidi nuk merret rregullisht mund të ndikojë në në fashitjen e reflekseve dhe të vigjilencës.
Nëse kjo ju ndodhë juve nuk duhet të ngisni makinën ose të operoni me makineri të rrezikshme.

Informacoine të rëndësishme lidhur me disa përbërës të Glibedal-it
Nëse mjeku juaj ju ka thënë se ju nuk i toleroni disa sheqerna para se ta merrni këtë bar duhet të kontaktoni me mjekun tuaj.

Në çfarë duhet patur kujdes nëse përdorni barna të tjera
Informoni mjekun ose farmacistin nëse jeni duke marrë ose keni marrë kohët e fundit barna të tjera, qoftë edhe ato pa përshkrimin e mjekut.
Të keni parasysh se këto informacione mund ti përkasin barnave të cilat më nuk i pini, si dhe barnat të cilat planifikoni ti merrni në të ardhmen.

Tregoni mjekut tuaj nëse në ndërkohë jeni duke i marrë barnat në vijim:
- Kontraceptivë oralë;
- Barna për trajtimin e tensionit të lartë të gjakut ose çrregullimeve të zemrës (disopiramid, bllokatorë beta-adrenergjikë, ACE inhibitorë, diazoksid, guanetidin, klonidin, reserpin);
- Barna për hollimin e gjakut (derivate të kumarinave);
- Barna pët trajtimin e nivelit të lartë të sheqerit në gjak (insulina ose barna tjera antidiabetike orale);
- Analgjetikë (salicilate, fenramidol, fenilbutazon, azapropazon);
- Tableta për rritjen e sasisë së urinës;
- Barnat për trajtimin e podagrës (probenecid, sulfinpirazon);
- Substanca antibakteriale ose antifungale (kundër kërpudhave) (kloramfenikol, antibakterial të kinoloneve, sulfonamide, klaritromicinë, tetraciklina, mikonazol);
- Barna kundër tuberkulozës (rifampicinë, acid para-aminosalicilik);
- Barna kundër ulçerës (antagonistë të H2-receptorëve);
- Antidepresivë (inhibitorë të MAO, fluoksetinë);
- Anabolikë steroidë, hormone mashkullore;
- Barna për zvoglimin e nivelit të lipideve (benzafibrat, klofibrat, acid nikotinik);
- Barna për trajtimin  e sëmundjeve malinje (ciklofosfamid, ifosfamid, trosfosfamid);
- Barna për trajtimin e sëmundjeve inflamatore alergjike (kortikosteroide, tritokualinë);
- Barna për trajtimin e epilepsisë (barbiturate, fenitoinë, acetazolamid);
- Disa barna kundër obezitetit (peshës së madhe trupore) (fenfluraminë);
- Barna laksative;
- Epinefrinë dhe substanca tjera simpatomimetike;
- Glukagon;
- Pentoksifilinë;
- Derivate të fenotiazinave;
- Hormone të tiroides;
- Ciklosporinë.

3. SI TË PËRDORET GLIBEDAL-i?
Nëse vëreni se efekti i  barit është shumë i fortë ose shumë i dobët këshillohuni me mjekun ose farmacistin.

Dozimi dhe mënyra e përdorimit
Këtë bar duhet ta merrni saktësisht sipas rekomandimeve të mjekut tuaj.
Mos e ndryshoni dozën, ose ta ndërpreni marrjen e mëtejme pa konsultim paraprak me mjekun tuaj.
Mjeku juaj do ta përcaktojë dozimin dhe kohëzgjatjen e mjekimit.
Me përjashtim nëse mjeku juaj ju ka dhënë instruksione të tjera, tableta duhet të merret gjatë mëngjesit, ose gjatë racionit të parë kryesor të ditës.
Tableta duhet të merret me një gotë ujë.
Doza e zakonshme fillestare e Glibedal-it është 2.5 – 5 mg, por mjeku juaj mund të ju këshillojë që dozën ta rritni me përshtatje javore me nga 2.5mg Glibedal derisa niveli i sheqerit të jetë nën kontroll.
Mjeku  juaj mund të ju informojë lidhur me nevojën për dozim specifik nëse jeni duke e bërë ndërrimin nga ndonjë bar tjetër të cilin ju e keni marrur për kontrollin e nivelit të sheqerit, ose nëse Glibedal-i për këtë qëllim duhet të merret i kombinuar me ndonjë bar tjetër për të mbajtur sëmundjen nën kontroll.
Nëse jeni i moshuar ose i rraskapitur, zakonisht duhet të filloni me doza të ulta.

Nëse përdorni Glibedal  më shumë sesa duhet
Në rast të marrjes të sasive më të mëdha të Glibedal-it  sesa që preferohet, duhet të kontaktoni sa më parë me mjekun tuaj ose farmacistin.
Me vete duhet të keni edhe barin ose paketimin e barit, në mënyrë që mjeku ta dijë sa çfarë keni marrë.
Ai do ti përcaktojë masat që duhet të ndërmerren, në vartësi nga ashpërsia e intoksikimit/mbidozimit.
Nëse keni marrur sasi më të mëdha, kjo mund të rezultojë me nivel shumë të ulët të sheqerit në gjak me rast ju do të ndjeni dobësi, përgjumje, konfuzion, tensionim mendor, ose nervozitet.
Ju mund të keni djersitje, dridhje, ose turbullim të vizionit, shpejtim të ritmit të zemrës, çrregullime me përqëndrimin, ose kokëdhembje.
Menjëherë tregoni mjekut tuaj ose shkoni në spitalin më të afërm ku mund të merrni sheqer të lëngshëm.
Në raste të caktuara ju mund të keni nevojë për injeksion ose infusion intravenoz.
Është me rëndësi të veçantё që të afërmit tuaj ta dinë se ju keni diabet dhe se jeni duke i marrë barnat të cilat mund të shkaktojnë hipoglikemi dhe ata duhet ti mësojnë shenjat dhe simptomat e hipoglikemisë dhe të japin ndihmë në raste të tilla.

Nëse keni harruar ta merrni Glibedal-in
Mos e dyfishoni dozën.
Nëse keni harruar ta merrni këtë bar, ju duhet ta merrni këtë sa më parë që ju kujtohet.
Nëse është koha për aplikimin e radhës, vazhdoni sipas orarit, ashtu si është përshkruar nga mjeku juaj.

Nëse e ndërpreni marrjen e Glibedal-it
Barin merreni sipas rekomandimeve të mjekut tuaj.
Mos e ndërpreni marrjen e barit edhe nëse ndjeheni më mirë.
Në rast të ndërprerjes mund të rikthehen simptomat e sëmundjes tuaj.
Nëse keni ndonjë pyetje, ose nëse keni diçka të paqartë, pyeteni mjekun tuaj ose farmacistin.

4.  EFEKTET ANËSORE TË MUNDSHME
Si të gjitha barnat tjera, edhe Glibedal-i  mund të ketë efekte të padëshiruara, por nuk do të thotë se këto do ti ketë secili pacient.

Efektet e padëshiruara të zakonshme (shfaqen te më pak se 1 në 10 pacientë, por më tepër se 1 në 100 pacientë):
-  Reaksione alergjike (kruarje, rash).

Efektet e padëshiruara të pazakonshme (shfaqen te më pak se 1 në 100 pacientë, por më tepër se 1 në 1000 pacientë):
-        Niveli i ulët i sheqerit në gjak (hipoglikemia), nganjëherë e zgjatur dhe me rrezik për jetën. Simptomat e nivelit të ulët të sheqerit në gjak mund të jenë humbja e vetёdijes, djersitja, dridhje, konfuzion ose kokëdhembje;
- Probleme të përkohshme me shikimin;
- Nauze, vjellje, ndjenja e presionit  në stomak, dhembje barku dhe diarre.

Efektet e padëshiruara të rralla (shfaqen te më pak se 1 në 1000 pacientë, por më tepër se 1 në 10,000 pacientë):
- Rënie e numrit të trombociteve, të cilat mund ta rritin rrezikun për gjakosje ose për mavijosje.

Efektet e padëshiruara shumë të rralla (shfaqen te më pak se 1 në 10,000 pacientë, por më tepër se 1 në 100,000 pacientë):
- Zvogëlim i numrit të eritrociteve që mund të shkaktojë zbehje të lëkurës si dhe dobësi dhe pamjaftueshmëri e frymëmarrjes (anemi hemolitike), ndryshime në numrin e qelizave të gjakut (eritrocitopenia, leukopenia, granulocitopenia, agranulocitoza dhe pancitopenia);
- Pamjaftueshmëri e funksioneve të mëlçisë (verdhzë kolestatike, inflamacion i mëlçisë), rritje e nivelit të enzimeve të mëlçisë;
- Urtikarie.

Me frekuencë të panjohur (në bazë të të dhënave në dispozicion nuk mund të bëhet rangimi i tyre):
- inflamacion i enëve të gjakut (vaskulit alergjik);
- Hipersensitivitet i lëkurës në rreze;
- Rënie e nivelit të natriumit në gjak.

Nëse vëreni ndonjë nga efektet anësore të renditura më sipër ose ndonjë efekt anësor që nuk përmendet në këtë fletëudhëzimin, ju lutemi informoni mjekun ose farmacistin.

5. RUAJTJA DHE AFATI I PËRDORIMIT

Ruajtja
Mbajeni larg fëmijëve!
Ky bar nuk kërkon kushte të veçanta për ruajtje.

Afati i përdorimit
Të mos përdoret pas kalimit të afatit të përdorimit të shtypur në pako.
Data i referohet ditës së fundit të muajit të shënuar.

Mënyra e marrjes së këtij bari
Ky bar merret vetëm me recetë të mjekut.

Masat speciale të shkatërrimit të barit të papërdorur
Barnat nuk duhet të hidhen në vende të papërshtatshme.
Pyeteni farmacistin për shkatërrimin e barnave të cilat nuk ju nevojiten.
Kjo masë do të ndihmojë në ruajtjen e ambientit.

Tags: , , , , , , , , , , , , , , , ,

Leave a Comment

© 2013. Te gjitha te drejtat e rezervuara.

Scroll to top