Nitro Farm Retard (kapsula) Reviewed by Momizat on . Nitro Farm Retard (kapsula) Veprimi Nitroglicerina është në përdorim gati 100 vite, në trajtimin e sëmundjeve të zemrës me angjinë pektorale, kurse mekanizmi i Nitro Farm Retard (kapsula) Veprimi Nitroglicerina është në përdorim gati 100 vite, në trajtimin e sëmundjeve të zemrës me angjinë pektorale, kurse mekanizmi i Rating: 0
You Are Here: Home » N » Nitro Farm Retard (kapsula)

Nitro Farm Retard (kapsula)

Nitro Farm Retard (kapsula)

Nitro Farm Retard

Veprimi
Nitroglicerina është në përdorim gati 100 vite, në trajtimin e sëmundjeve të zemrës me angjinë pektorale, kurse mekanizmi i veprimit është zbuluar para disa viteve, për të cilën është fituar edhe çmimi Nobel.
Kjo substancë në sipërfaqen e membranës qelizore shndërrohet në oksid nitrik, që aktivizon guanil-ciklazën, e cila gjeneron GMP-c, e kjo shkakton uljen e Ca2 dhe relaksimin e muskulaturës së lëmuar të enëve koronare (nëse nuk janë dukshëm të përfshira në procesin e aterosklerozës), si dhe ushqyerjen adekuate të muskulit të zemrës. Ky relaksim mund të arrihet edhe nëpërmjet të zvogëlimit të tromboksanit A2.

Indikimet
Nitro Farm® retard përdoret për mjekimin afatgjatë të insuficiencës koronare dhe për profilaksë të vazhdueshme të sulmit të angjinës pektorale (me përdorimin e tij numri i sulmeve dhe intensiteti është dukshëm më i vogël, toleranca e lodhjes është e rritur, kurse depresioni i segmentit ST është dukshëm i redukuar).
Nitro Farm® retard shfrytëzohet edhe te insufiçienca e shkallës së III dhe të IV të zemrës.

Kundërindikimet

  • Mbindjeshmëria ndaj nitrateve organike;
  • insufiçienca cirkulatore akute (shok, kolaps cirkulator);
  • shoku kardiogjen;
  • trauma e kokës,
  • hemorragjia cerebrale;
  • glaukoma me kënd të ngushtë;
  • hipertrofia e prostatës;
  • marrja e njëkohshme e sildenafilit (Viagra), sepse sildenafili e fuqizon efektin e barit në uljen e presionit të gjakut.

Dozimi dhe mënyra e përdorimit

Insufiçienca koronare e shkallës së mesme: 3 herë nga 5 mg (nuk lejohet të merret më pak se 2 herë nga 5 mg/ditë). Nëse jepet 4 herë nga 5 mg/ditë mund të pritet zhvillimi i tolerancës në nitrate (zvogëlimi i efikasitetit të barit).

Të sëmurët me insufiçiencë mesatarisht të rëndë mjekohen me sukses 3 herë nga 2,5 mg/ditë Nitro Farm® retard. Mjekimin duhet filluar me doza të vogëla (2 herë nga 2,5 mg/ditë), pastaj doza rritet gradualisht.

Efektet anësore
Nitro Farm® retard në fillim të terapisë mund të shkaktojë rënie të shtypjes arteriale (hipotension ortostatik), marramendje, dobësi të përgjithshme dhe tahikardi refleksive.

Ruajtja
Të ruhet në temperaturë të dhomës 15ºC – 25ºC, në vend të thatë i mbrojtur nga drita.
Bari mbahet larg nga kontakti me fëmijët.

Afati i qëndrueshmërisë
Është shënuar në paketim.
Nuk lejohet përdorimi pas skadimit të afatit.

Paketimi
Kutia me 20 kapsula nga 2,5 mg.

Tags: , , , , , , , , ,

Leave a Comment

© 2013. Te gjitha te drejtat e rezervuara.

Scroll to top