Prometazine Tretësirë për injeksion — 50mg / 2ml Profarma Reviewed by Momizat on . PROMETAZINE Tretësirë për injeksion — 50mg / 2ml (Prometazine klorhidrat) FLETËUDHËZUES I PAKETIMIT: Informacion për pacientin Lexojeni me kujdes këtë fletëudhë PROMETAZINE Tretësirë për injeksion — 50mg / 2ml (Prometazine klorhidrat) FLETËUDHËZUES I PAKETIMIT: Informacion për pacientin Lexojeni me kujdes këtë fletëudhë Rating: 0
You Are Here: Home » P » Prometazine Tretësirë për injeksion — 50mg / 2ml Profarma

Prometazine Tretësirë për injeksion — 50mg / 2ml Profarma

PROMETAZINE

prometazine

Tretësirë për injeksion — 50mg / 2ml (Prometazine klorhidrat)

FLETËUDHËZUES I PAKETIMIT: Informacion për pacientin

Lexojeni me kujdes këtë fletëudhëzues përpara se të filloni përdorimin e barit.

  • Ruajeni këtë fletëudhëzues. Mund të keni nevojë ta lexoni përsëri.
  • Në qoftë se keni pyetje të mëtejshme,  pyesni mjekun ose farmacistin tuaj.
  • Ky bar është përshkruar për ju. Mos e jepni tek persona të tjerë. Mund ti dëmtojë ata edhe pse mund të kenë të njëjtat simptoma me ju.
  • Në qoftë se ndonjë prej efekteve anësore keqësohet ose në qoftë se vëreni ndonjë efekt tjetër anësor që nuk përmendet në këtë fletëudhëzues, ju Iutemi të njoftoni mjekun ose farmacistin tuaj.

Në këtë fletëudhëzues:

  1. Çfarë është Prometazine dhe përse përdoret?
  2. Përpara se të merrni Prometazine.
  3. Si ta merrni Prometazine?
  4. Efekte anësore të mundshme.
  5. Si ta ruani Prometazine?
  6. Informacion i mëtejshëm.

1. ÇFARË ËSHTË PROMETAZINE DHE PËRSE PËRDORET
Prometazine, një rrjedhës i fenotiazinës, dhe ul ose zhduk veprimet kryesore të histaminës në organizëm, duke konkuruar ose bllokuar në mënyrë të prapësueshme histaminën në receptorët e indeve.
Ajo nuk e çaktivon histaminën dhe nuk e parandalon sintezën ose çlirimin e saj.
Receptorët H1 të histaminës janë përgjegjës për zgjerimin e enëve të gjakut, rritjen e përshkueshmërisë së kapilarëve e kruarjet dhe deri në një farë mase për tkurrjen e muskulaturës së lëmuar të bronkeve dhe të aparatit tretës.
Ajo ka edhe veti animuskarinike, antagonizuese të adrenalinës, antagonizuese të serotoninës dhe efekte anestezike lokale.

Prometazine —50mg-tretësirë për injeksion – indikohet :

Me injektim në muskul :

  • Trajtim i sëmundjes së lëvizjes;
  • parandalim dhe kontroll i të përzierave e të vjellave të shoqëruara me anestezi dhe ndërhyrje kirurgjike.

Me injektim në venë:

  • si mjet ndihmës në anestezi dhe analgjezi, me qëllim që të ulen sasitë e petidinës ose të analgjezikëve të tjerë narkotikë,  sidomos në disa situata të posaçme kirurgjike (psh. bronkoskopi e përsëritur, ndërhyrje kirurgjike në oftalmologji).

2. PËRPARA SE TË MERRNI PROMETAZINE

Mos merrni Prometazine në qoftë se:

  • keni mbindjeshmëri ndaj antihistaminikëve;
  • vuani nga glaukomë me kënd të ngushtë;
  • vuani nga ulçer peptike të shoqëruar me stenozë;
  • vuani nga hipertrofi simptomatike e prostatës;
  • kaloni kriza astmatike;
  • keni obstruksion piloroduodenal;
  • i sëmuri është në gjendje komatoze;
  • keni deprimi në sistemin nervor qëndror nga barbituratet, anestezikët e përgjithshëm, trankuilizuesit, alkooli, narkotikët ose analgjezikët narkotikë;
  • idiosinkrazi e mëparshme nga fenotiazinat;
  • ikter ose deprimim i palcës së kockave:
  • fëmijë me sëmundje akute ose të dehidruar;
  • në të sëmurët me të dhëna për apne të gjumit, sëmundje mëlçie dhe në fëmijët me sindromin Rai.

Tregoni kujdes të veçantë me Prometazine
Simptomat ekstrapiramidale që mund të shfaqen pas injektimit në venë mund të ngatërrohen me simptomat e sëmundjeve primare të padiagnostikuara (psh. encefalopati, sindromi Rai).

Pyesni mjekun tuaj përpara se të merrni Prometazine në qoftë se:

  • do të përdoret tek fërnijët më të vegjël se 2 vjeç, sepse në këto raste nuk rekomandohet;
  • do të përdoret për trajtimin e vjelljeve pa ndërlikime në fëmijët, ajo mund të përdoret kur vjelljet janë të zgjatura dhe me origjinë të papërcaktuar.

do të përdoret nëse:

  • jeni të sëmurë me predispozitë për mbajtje të urinës;
  • jeni të sëmurë me të dhëna për astmë bronkiale;
  • keni rritje të presionit intraokular;
  • vuani nga hipertiroidizëm;
  • keni apne të gjumit;
  • keni sëmundje kardiovaskulare ose hipertension;
  • vuani nga deprimim i palcës së kockave ;
  • keni çrregullim të funksionit të mëlçisë;
  • keni sëmundje ulçeroze;
  • keni dëmtim të funksionit të frymëmarrjes.

Marrja e Prometazine me ushqim dhe pije .
Rekomandohet që Prometazine të merret para ushqimit dhe nuk rekomandohet marrja e saj me pije alkoolike.

Shtatzania
Njoftoni mjekun ose farmacistin tuaj në qoftë se jeni shtatzanë ose po planifikoni të ngeleni shtatzanë.
Prometazine duhet përdorur me kujdes të veçantë gjatë periudhës se shtatzënisë dhe duhet mënjanuar gjatë tremujorit të parë.

Ushqimi me gji
Njoftoni mjekun ose farmacistin tuaj në qoftë se ushqeni foshnjen me qumësht gjiri.
Meqenëse Prometazine mund të kalojë me qumështin e gjirit prandaj është mirë që ajo të mos përdoret gjatë periudhës se ushqyerjes së fëmijëve me gji.

Drejtimi i makinës dhe përdorimi i makinerive
Të sëmurët që përdorin Prometazine duhen paralajmëruar se aftësia e tyre për të drejtuar automjetin ose për të punuar me makineri mund të dëmtohet.

Marrja e barnave te tjera
Trajtimi i njëkohshëm me barna të tjera mund të ndikojë ose të ndikohet nga Prometazine.
Ju lutemi të kontaktoni me mjekun ose farmacistin tuaj në qoftë se jeni duke marrë ose keni marrë kohët e fundit barna të tjera, përfshirë ato të marra pa recetë.

Mos harroni të informoni mjekun tuaj për trajtimin me Prometazine në qoftë se ju jepet ndonjë bar tjetër gjatë trajtimit sidomos këta të mëposhtmit.

  • antikolinergjiket mund ta ulin veprimin e Prometazines;
  • anestezikët barbiturikë ekziston rreziku i eksitimit neuromuskulor dhe i shtimit të mundësisë së hipotensionit;
  • deprimuesit e sistemit nervor qendror (psh. alkooli, narkotikët) dhe prometazina mund të kenë efekte deprimuese aditive në sistemin nervor qendror;
  • frenuesit e monoaminoksidazës (IMAO) mund t’i zgjasin dhe t’i intesifikojnë efektet antikolinergjike, ata mund të shkaktojne hipotension dhe efekte ekstrapiramidale, kur përdoren bashkë me Prometazine;

3. SI TA MERRNI PROMETAZINE.
Gjithmonë merreni Prometazine  sipas këshillës së mjekut.
Në qoftë se nuk jeni i sigurt kontaktoni me mjekun ose farmacistin.
Në qoftë se ndjeni që efektet e Prometazine janë shumë të forta ose shumë të dobëta, flisni me mjekun ose farmacistin tuaj.

Prometazine drazhe disponohet në formdozën – 25mg.

Prometazine — tretësirë për injeksion disponohet në formdozën — 50mg / 2mI.

Dozimi i Prometazine jepet si më poshtë :

Në alergjitë, të rriturit, nga goja: 25 mg para gjumit; me injektim në muskul ose në venë:25 mg, që në rast nevoje mund të përsëritet brenda 2 orësh.
Fëmijët mbi 2 vjeç, nga goja: 25 mg, para gjumit ose 6.25 — 12.5 mg, 3 herë në ditë.

Në sëmundjen e lëvizjes (udhëtim me automobil, aeroplan, vapor etj.), të rriturit, nga goja: 25 mg si dozë fillestare që merren – 1 orë para udhëtimit dhe që në rast nevoje doza përsëritet pas  8 — 12 orësh.
Pastaj merren 25 mg pas zgjimit dhe 25 mg para ngrënies së darkes.
Fëmijët mbi 2 vjeç, nga goja: 12.5 — 25 mg, 2 herë në ditë.

Të përzierat e të vjellat, të rriturit, nga goja: 25 mg.
Doza prej 12.5 — 25 mg, çdo 4 — 6 orë mund të përsëriten në rast nevoje.

Profilaksia e të përzierave e të vjellave, të rriturit, nga goja: 25 mg, në rast nevoje çdo 4 —6 orë.
Fëmijët mbi 2 vjeç, nga goja: 1 mg/kg peshe, në rast nevoje çdo 4 — 6 orë.

Qetësim paraoperator, të rriturit, nga goja: 50 mg në darkë, para nderhyrjes kirurgjike; me injektim në muskul ose në venë: 25 — 50 mg në darkë, para ndërhyrjes kirurgjike.
Fëmijët mbi 2 vjeç, nga goja, me injektim në muskul ose në venë: 12.5 — 25 mg.

Qetësim gjatë lindjes, me injektim në muskul ose në venë: 50 mg në fazën e hershme të lindjes.
Kur lindja stabilizohet injektohen 25 — 75 mg, me uljen e dozës se narkotikut (doza maksimale e përgjithshme është 100 mg/24 orë).

Në qoftë se keni marrë më shumë Prometazine:
Në qoftë se keni marrë më shumë Prometazine se sasia që duhet të merrnit, ose në qoftë se fëmijët e kanë marrë gabimisht këtë bar, ju lutemi të kontaktoni mjekun tuaj, spitalin ose të telefononi urgjencën për të marrë një mendim për rrezikun dhe këshillë për veprimet që duhet të ndërmerren.

Në qoftë se keni harruar të merrni Prometazine:
Në qoftë se harroni një dozë (ose më shumë doza), merrni dozën në vazhdim kur të jetë koha për marrjen e zakonshme të saj.
Mos merrni një dozë të dyfishtë (ose më të lartë) për të plotësuar dozën (dozat) e harruar (a).
Në qoftë se keni pyetje të mëtejshme mbi përdorimin e këtij produkti, pyesni mjekun ose farmacistin tuaj.

 4. EFEKTE ANËSORE TË MUNDSHME TË PROMETAZINE.
Si të gjithë barnat e tjera, Prometazine mund të shkaktojë efekte anësore, megjithese jo çdokush i manifeston.

Njoftoni mjekun tuaj per efektet anësore të mëposhtme që do t’ju shfaqen:

  • përgjumje;
  • deprimim i sistemit nervor qendror;
  • marrje mendsh;
  • tharje e gojës dhe e grykës;
  • çrregullime të lëvizjes;
  • ankth dhe dridhje;
  • irritabilitet, konfuzion, pagjumësi;
  • turbullim të të parit, histeri, spazma;
  • neurit periferik, dhembje koke;
  • anoreksi ose shtim i oreksit me shtim në peshë;
  • të përziera, të vjella, diarre, konstipacion;
  • urinim i shpeshtë ose mbajtje e urines, çrregullime seksuale;
  • ekzantemë, fotosensibilizim;
  • reaksione anafilaktike;
  • anemi hemolitike, trombocitopeni, leukopeni, pancitopeni;
  • hipotension ortostatik, palpitacione, bradikardi, takikardi, ekstrasistola.

Në qoftë së ndonjë prej efekteve anësore përkeqësohet, ose në qoftë se vëreni efekte anësore që nuk përmenden në këtë fletëudhëzues, ju lutemi të lajmëroni mjekun ose farmacistin tuaj.

5. SI TA RUANI PROMETAZINE.
Mbajeni larg fëmijëve.
Mos e përdorni Prometazine pas datës se skadimit e cila është e shënuar në paketim.
Mos e ruani në temperaturën në mbi 25°C.
Ruajeni në paketimin original për ta mbrojtur nga drita.

6. INFORMACON I MËTEJSHËM
Çfarë përmban Prometazine.
Lënda vepruese është: Prometazinë klorhidrat.

Çdo ampulë 2 mL përmban: 50 mg Prometazinë klorhidrat (25 mg/mL)(tretësirë për injeksion 2.5%)

Përbërës të tjerë: Acid ascorbik, klorur natriumi ,sulfit natriumi , metabisulfit natriumi dhe ujë për injeksion.

Përmbajtja e paketimit

Format e paketimit:

Ampulat:

Kuti kartoni me 10 ampula ose 100 ampula ( përdorim spitalor).                      PROFARMA

Tags: , , , , , , , , , , , , , , ,

Leave a Comment

© 2013. Te gjitha te drejtat e rezervuara.

Scroll to top