Psyllogel (bustina)
Merret 3- 4 herë në ditë nga një bustinë e tretshme në ujë.
Është një medikament i përbërë nga fibra ushqyese dhe i plotësuar me vitamina të ndryshme, që ndikon në peristaltikën e kolonit në rastet e konstipacionit (kapsllëkut).
Përmbajtja
Përmban 3.5 -3.6 gr extrat të Plantago Ovata.
Nuk përmban konservant.
Nuk përmban laksativ osmotik dhe fermente ushqimore.
Paketimi: 20 bustina
Psyllogel është në formë pluhuri (bustine) e treteshme në ujë dhe tregëtohet në kuti me 20 bustina.
Ka shije të ndryshme si portokall kakao, luleshtrydhe, limoni dhe vanilje.
Veçoritë farmaceutike dhe mënyra e veprimit
Vepron në largimin e masave fekale duke i hidratuar ato dhe duke i bërë të rrëshqitshme.
Nuk ka veprim acarues mbi zorrë dhe nuk prish fiziologjinë normale të intestinit (zorreve).
Ka veprim të mirë mbi florën bakteriale saprofite të zorrës.
Ndikon në thithjen e mirë të sheqernave dhe yndyrnave në zorrë.
Ka veprim shumë të mirë, si pasoje e fibrave ushqimore, në personat të cilët kanë vështirësi në defekim (kapsllëk).
Përveç përdorimit në moshat e vjetra, psyllogeli mund të përdoret si parandalues të kapsllëkut, dhe në moshat e reja në sindromin Colonit të irrituar dhe në Divertikujt e kolonit (megacolon).
Mënyra e përdorimit dhe doza
Merret 3-4 herë në ditë nga një bustinë e treteshme ne ujë ose në ndonjë lëng tjetër (para ose pas ushqimit).
Në moshat e vogla mbi 3 vjeç doza përgjysmohet.
Marrja e psyllogelit vazhdon deri në normalizimin e funksionit të zorrës (dekim normal dhe pa probleme) të pakten për disa muaj.
Efektet anësore dhe kundërindikacionet
Deri tani nuk janë parë efekte anësore në përdoruesit e psyllogelit, as te gratë shtatzëna e as tek fëmijët.
Nuk këshillohet marrja e preparatit të bustinës me më pak se 200 ml ujë.
Nuk këshillohet përdorimi i Psyllogelit në personat me dhimbje akute abdominale.
Në personat me nauzea dhe të vjella dhe në sindromën e Fekalomës.
Nuk këshillohet marrja e preparatit tek fëmijët nën tre vjeç.
Nuk duhet të tejkalohet doza e këshillueshme nga mjeku apo farmacisti.
Nuk duhet të merret 2 orë para ose 2 orë pas marrjes së ilaçeve të tjera.